O local da asociación Xuntanza de Empresarios de Ames (XEA) acolleu o pasado xoves, 5 de febreiro, o sorteo dos catro premios incluídos na sétima edición da campaña de promoción do comercio local “Ilumina o teu sorriso”. No certame participaron un total de 53 persoas, superando a participación de edicións anteriores. As persoas premiadas foron María Hernando, José Luis Noya e Belén Pita, que recibirán tres vales de 250, 150 e 100 euros, para gastar en comercios amesáns adheridos a XEA. Ademais, este ano súmase a novidade do Premio Especial XEA, dotado de de 300 euros para gastar en Recunchos, que foi para Vanesa Davó Ortuño.A concelleira de Promoción Económica, Ana Belén Paz, e o presidente de Xuntanza de Empresarios de Ames, Ramón Cordido, foron os encargados de realizar o sorteo para coñecer ás catro persoas premiadas na sétima edición da campaña de promoción do comercio local “Ilumina o teu sorriso”.
A campaña de promoción do comercio local “Ilumina o teu sorriso” superou a participación de anos anteriores
