Galicia rexistra case 600 novos casos dende a semana pasada e 1881 dende que comezou abril, sendo ata agora 5.939 os casos activos de COVID-19. O groso dos contaxios deste mes déronse, xa que logo, na primeira semana, cun notable descenso na taxa de crecemento de casos activos durante a Semana Santa. Na área sanitaria de Santiago, a semana deixou 130 novos casos activos, cun total de 420 novos casos ao longo do mes. Como acontece en Galicia, as cifras da segunda semana do mes son mellores que as da primeira, ao reducirse a taxa de crecemento da doenza. Hai agora mesmo 1001 casos activos na área compostelá.
A mortalidade medrou moito máis lentamente que o número total de altas, mesmo cando a inclusión das cifras das residencias disparou as cifras de mortes. Polo de agora, rexistráronse 1.186 altas de pacientes e369 falecementos. Do total de pacientes positivos, 136 permanecen en UCI, 735 están enunidades de hospitalización e 5.068 no domicilio.
A Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 5.939, deles 1.252 son da área da Coruña, 591 da de Lugo, 1.166 da de Ourense, 501 da de Pontevedra, 1.090 da área de Vigo e 338 da de Ferrol. O número de PCR realizadas é de 46.110.
Residencias
A Xunta comezou a incluir recentemente os datos das residencias de persoas maiores e dependentes, logo de semanas sen incluír os datos de falecementos producidos fóra de centros hospitalarios. Ata agora, houbo 923 positivos de persoas ingresadas en residencias e 416 de persoal traballador nas mesmas. Morreron 82 persoas nestes centros e outras 76 en hospitais e residencias integradas.