A veciñanza de Ames segue a facer uso de forma crecente do Punto Limpo. A conciencia da importancia de desfacerse axeitadamente dos residuos está a medrar. No pasado mes de novembro recolléronse neste servizo máis de tres toneladas e media de equipos eléctricos, 200 quilos de envases, 240 quilos de pneumáticos, tres baterías de chumbo e ata 20 quilos de pilas, entre outros refugallos.
O Punto Limpo da rúa das Hedras do polígono Novo Milladoiro abre 40 horas por semana de luns a sábado. Atenden as dúbidas no teléfono 981 53 66 88.