O Concello de Ames informa sobre os casos activos por Covid-19 no municipio. Segundo se traslada dende a Xerencia da Área sanitaria de Santiago de Compostela e Barbanza o número de casos activos por Covid-19 en Ames é de 119. A incidencia acumulada a 7 días é de 262 casos, mentres que a incidencia acumulada a 14 días é de 343 casos.
O Concello de Ames incide en que é preciso actuar con responsabilidade. “Sigamos cumprindo de xeito estrito todas as medidas de prevención da Covid-19”, salientan. Lémbrase que o uso da máscara é obrigatorio cando non se pode manter a distancia de seguridade interpersoal. Para máis información ou resolver dúbidas pódese chamar ao número de teléfono 673 73 90 11 ou enviar un correo electrónico ao enderezo gabinete@concellodeames.gal.