Dous accidentes por alcance rexistrados á primeira hora de hoxe na AG/AG-56 provocaron complicacións no tráfico sentido Santiago. O primeiro, ocorrido ao 07.35 h no km 3,200 (Ames), implicou a tres coches e deixou dous feridos leves. Pouco despois, un segundo choque entre dous turismos no km 3,300 sumou outros dous feridos da mesma consideración.
A Garda Civil de Tráfico e equipos de mantemento regularon a circulación, que sufriu retencións de ata dous quilómetros. Foi necesario desviar o tráfico puntualmente pola AC-543. Desde ás 09.55 h, a autovía presenta unha circulación normalizada.