Entre o venres 3 e o domingo 5 de setembro terá lugar o I Torneo Camino de Santiago de Croquet GC nas instalacións do Real Aeroclub de Santiago en Ames. No torneo competirán os mellores xogadores de España, entre os que destaca Jose Álvarez Sala, Campión de Europa.
As instalacións do Club compostelano en Ames gozan dun campo no que se pode xogar desde maio de 2020. En Galicia hai cinco clubs deste deporte, como son o Club de Campo en Vigo, o pioneiro, o Real Aeroclub de Vigo, o Real Club de la Toja, o Aeroclub de Santiago e o Real Club da Coruña. Galicia é unha das comunidades con máis clubs federados, maior número de campos e grandes xogadores como Carlos Bruzon que encabeza o ranking galego.
O obxectivo do promotor e patrocinador, o empresario César Álvarez Fernández, presidente de IATECC e SOGASCA, é “demostrar que o croquet é moito máis que un xogo”. Álvarez Fernandez enfocou a proba como un premio en si mesma. Os xogadores desfrutarán dunha cea o día 6 de setembro con entrega de trofeos.