A pasada fin de semana do 21 e 22 de xuño, a localidade alicantina de La Nucía acolleu o Campionato de España Máster, unha cita na que o Club Atletismo Millaraio contou coa participación de Puri Cariñena, que acadou unha medalla de ouro e outra de prata, e David López, que voltou cunha medalla de prata no peto.
A localidade alicantina de La Nucía acolleu na fin de semana do 21 e 22 de xuño o Campionato de España Máster. Nesta competición, o Club Atletismo Millaraio contou coa representación de Puri Cariñena e David López.
Pola súa banda, Puri Cariñena competiu nas probas de 100m, 200m, 400m e 300m vallas, acadando a medalla de prata nesta última. Ademais, a atleta do club amesán competiu no relevo de 4x100m como parte do Club Atletismo Sada, acadando a medalla de ouro.
Por outro lado, David López competiu nos 100m valla e o salto de altura, proba na que conseguiu facerse coa medalla de prata.
Deste xeito, ámbolos dous atletas pecharon unha gran competición. Con todo, para Puri Cariñena a temporada aínda non rematou, pois competirá, tamén como parte do Club Atletismo Sada, a vindeira fin de semana no Campionato de España Clubs Máster de Primeira Divisón que se celebrará na localidade de Santa Coloma de Gramanet.