O Concello de Ames vén de informar da supresión, debido ás circunstancias, da preinscrición e renovación dos programas
Bos Días Cole, Comedores Escolares e Tardes Divertidas. Estas iniciativas tiñan aberto o prazo durante o mes de marzo, pero este queda interrompido e suspendido debido ao estado de alarma.
O Goberno local asegura que se abrirá un novo prazo “cando se normalice a situación e perda vixencia a declaración do estado de alarma”. Este proceso de reapertura da convocatoria “será debidamente notificado a través da web do concello e as súas correspondentes redes sociais”, sinalan.