A Xunta clarificou onte as medidas específicas que rexerán para o Milladoiro e para Santiago de Compostela no marco xeral do retorno de Galicia á fase 2 de alerta -fase 3 de facto nesta localidade de Ames e na capital galega-. Á vista da evolución da situación epidemiolóxica e sanitaria e coa finalidade de controlar a transmisión da enfermidade, establécense unha serie de medidas vixentes dende as 12 da pasada noite e os vindeiros catorce días naturais.
Con carácter xeral, prohíbense as xuntanzas entre persoas non conviventes. Esta limitación non impedirá a reunión con persoas non conviventes que se produzan por motivos de asistencia e coidado a maiores, dependentes ou persoas con discapacidade, ou por causa de forza maior ou situación de necesidade.
Vida social:
•Celebracións nupciais : 25 persoas en espazos pechados e 50 ao aire libre.
• Lugares de culto: 50 % da súa capacidade.
• Velorios: 10 persoas en espazos pechados e 25 en espazos abertos.
.• Enterramento ou despedida para a cremación: 25 persoas entre familiares e achegados. Permítese a actuación de coros durante as celebracións.
• Cines, teatros, auditorios, bibliotecas, salas de exposicións: 50 % da capacidade.
• Límite máximo de 30 persoas para lugares pechados e de 75 ao aire libre.
• As actividades culturais de grupo : máximo 5 persoas incluído o monitor ou guía.
• Congresos, eventos e actos similares : 50% da capacidade permitida cun límite máximo de 30 persoas nos espazos pechados e 75 persoas nos espazos ao aire libre .
Hostalería e restauración:
• No interior dos restaurantes, únicamente sentados nas mesas unha ocupación dun 50% doaforo.
• Nos bares e cafeterías non está permitida o consumo no interior do local.
• Nas terrazas ao aire libre, limitación ao 50 % das mesas.
• A ocupación máxima será de 5 persoas, todas elas conviventes, por mesa ou agrupaciónsde mesas .
• Os clientes poden quitar a máscara, exclusivamente no momento do consumo.
• Peche dos locais ás 01:00 horas. Prohibición de acceso de novos clientes desde as 00:00 horas.
Aloxamento turístico:
• Zonas comúns dos hoteis e aloxamentos turísticos: 50% da súa capacidade.
• As actividades de animación ou clases grupais terán un máximo 5 persoas sexan ou non conviventes, incluídos os monitores.
• No aloxamento turístico de albergue, polas súas especiais características, permitirase unha capacidade máxima do 50%.
Comercio:
• Locais e establecementos, independentemente da súa superficie: límite do aforo ao 50% de capacidade cun máximo de 30 persoas en lugares pechados e 75 ao aire libre.
• Centros e parques comerciais: Non se permitirá a permanencia de clientes nas zonas comúns excepto para o tránsito entre os establecementos.
• Centros e parques comerciais: Queda prohibida a utilización de zonas recreativas.
• Mercados ao aire libre: 50 % dos postos.
Festas populares e verbenas:
Prohibidas.
Piscinas:
• Pódese quitar a máscara, durante o baño e mentres se permaneza nun espazo determinado, sen desprazarse e mantendo a distancia de seguridade coas persoas non conviventes.
• Nas zonas de estancia das piscinas establecerase unha distribución espacial para manter a distancia de seguridade interpersoal entre os usuarios. Os grupos deberán estar constituídos só por persoas conviventes.
Deporte non federado:
• A práctica da actividade física e deportiva non federada, ao aire libre, poderá realizarse de forma individual ou colectiva, sen contacto físico, sempre que, neste último caso, todas as persoas do grupo sexan conviventes, sen contar o monitor.
• Instalacións deportivas cubertas: grupos máximo de 5 persoas sexan ou non conviventes, sen contar o monitor. Non superación do 50% da capacidade máxima permitida.
Eventos deportivos:
• A celebración de eventos deportivos, adestramentos, competicións deportivas que se celebren en instalacións deportivas ou na vía pública poderán desenvolverse con público sempre que este permaneza sentado.
• Non superación do 50 % da capacidade.
• Límite de 30 persoas para lugares pechados e de 75 se se trata de actividades ao aire libre.
Actividades para a mocidade:
• Poderanse realizar actividades de tempo libre destinadas á poboación infantil e xuvenil, cando estas se leven a cabo ao aire libre, sempre que se limite o número de participantes ao cincuenta por cento da súa asistencia máxima habitual, cun máximo de 50 participantes, incluídos os monitores.
• Cando estas actividades se realicen en espazos pechados, non se deberá superar o cincuenta por cento da capacidade máxima do recinto, cun máximo de 25 participantes, incluídos os monitores.
• As actividades deberán realizarse en grupos de ata 5 persoas participantes, sexan ou non conviventes e incluídos os monitores correspondentes, que deberán traballar sen contacto entre os demais grupos.
Autoescolas e outros centros de formación non regrada:
• A actividade que se realice nestes centros poderá impartirse dun modo presencial sempre que non se supere unha capacidade do cincuenta por cento respecto do máximo permitido.
• Máximo de 5 persoas, excepto no caso de persoas conviventes, no que non se aplicará esta limitación.
Centros cívicos e sociais:
• Poderán realizar a súa actividade sempre que se limite a súa capacidade total ao 50%.
• Actividades en grupos máximo de 5 persoas, sexan ou non conviventes e incluído o monitor ou guía para as actividades grupais.