O AmesON segue no Milladoiro con música de versións. O programa organizado pola concellaría de Promoción económica continúa mañá xoves 29 de xullo co concerto de SAMCO. O cuarteto versiona clásicos dos 80 e 90 e temas actuais en clave de jazz, rock, pop ou bossa nova. O concerto celebrarase na praza de Manuel Murguía, no Milladoiro, ás 20.00 horas. O grupo vai sorprender aos á veciñanza amesá coa súa música de versións e co seu formato elegante. SAMCO está formado por Sandra Campos á voz, Juan Villavivencio no baixo e no contrabaixo, Save System nos teclados e Rober Vázquez á batería.
A concellaría de Promoción Económica pon en marcha esta serie de concertos para dinamizar a cultura e a economía en Ames durante os meses de xuño, xullo, agosto e setembro.