A Xunta volveu mudar de criterio á hora de trasladar ao público os datos por concellos de incidencia de COVID-19, optando agora por un mapa que mostre os novos casos diagnosticados nos últimos 14 días municipio a municipio. Os datos de hoxe, así clasificados, amosan que Ames rexistrou 33 casos de COVID-19 nese período de tempo.
Na área sanitaria, hai agora mesmo no CHUS en Santiago 40 persoas ingresadas e outras 11 en coidados intensivos. No Hospital HM Rosaleda hai tres pacientes ingresados por COVID-19.
A Consellería de Sanidade sinalou esta mañá que o número de casos activos de coronavirus en Galicia é de 8.669. Ata 1.798 son da área da Coruña, 1.097 da de Lugo, 637 da de Ourense, 1.234 da de Pontevedra, 2.260 da área de Vigo, 959 da de Santiago, e 684 da de Ferrol.